ကျနော် QC တစ်ယောက်ပါလို့ စောစောစီးစီး ဝန်ခံပါရစေ။
ကျနော်တို့ လမ်း QC တွေကို CBR နဲ့တွဲသိကြတယ်။ CBR ဆိုတာက လမ်းအရည်အသွေး စံသတ်မှတ်ချက် အချိုးတစ်ခု၊ plate bearing test ဆိုတာက CBR တွက်ဖို့ စစ်ဆေးနည်းတစ်မျိုး၊
.
plate bearing test ဆိုတဲ့အတိုင်း သံပြားထူကြီးပါမယ်။ ပီးရင် jack လို့ခေါ်တဲ့ ဖိအားပေးတဲ့ဟာပါမယ်။ ပီးရင် ဖိအားအလိုက် ပြောင်းလဲမှုတွေကို ပြဖို့ ဒိုင်ခွက်တွေပါမယ်။ ဒါတွေက မြင်တာနဲ့ တွေ့နိုင်တဲ့ အရာတွေ။
.
စာထဲမှာတော့ သံပြားက ၃ပြား၊ အချင်း ၃၀လက်မ ပီးရင် သူ့အပေါ်မှာအချင်း ၂၆လက်မ ပီးရင် ၂၂လက်မ ဆိုပီး တင်ရတယ်။
စာထဲကလိုဆို သံပြားတွေ သယ်ရ၊ ဆင်ရတာနဲ့ တင် တစ်မှတ်နဲ့ တစ်မှတ်မပီးတော့ဘူး။ မြေပြင်မှာတော့ သံပြား အချင်း၃၀လက်မတောင် လေးလို့ သူ့အစား လက်မ ၁၈၊၁၆၊၁၂ ထဲက တစ်ပြားလောက်နဲ့ပဲ ဆင်ပီး တိုင်းကြတယ်။
သံပြားချရင်လည်း level မှန်ရတယ်၊ လမ်းက အရမ်းစောင်းနေတာတို့၊ အရမ်းဖွာနေတာတို့ဆို ဖိအားပေးလိုက်တာနဲ့ ဒိုင်ခွက်တွေ လည်ထွက်ကုန်ရော။ အဲ့တော့ level မှန်ဖို့နဲ့ ဖိအားပေးတဲ့အခါ ချော်မထွက်သွားဖို့ သံပြားမချခင် စမ်းမဲ့နေရာမှာ သံပြားတစ်ပြားစာ သဲဖြူး၊ ပီးမှ သံပြားချပီး နည်းနည်းခါရမ်းကြတယ်။
.
သံပြားချပီးရင် သူ့အပေါ် jack တင်၊ ပီးရင် jack နဲ့ အပေါ်က ကားဘားတန်း လွတ်နေတဲ့နေရာတွေကို ခု၊ ဒီနေရာမှာလည်း စာထဲမှာတော့ အလေးပြားတွေခုကြပေမဲ့ မြေပြင်မှာတော့ သစ်တုံးတွေ ခုကြတယ်၊ အကျိုးဆတ်အနေနဲ့ သစ်တုန်းတွေ မညီတဲ့အခါ ဖိအားပေးလိုက်တာနဲ့ ကန်ထွက်လာရော၊ ဖိအားမပေးခင် သစ်တုံးတွေညီအောင်ကြည့် အပေါ်ကထောက်တဲ့ ကားဘားတန်း ခိုင်မခိုင်စစ်၊ သစ်တုံးကညီနေပီး ကားဘားတန်း ဝရိန်သားမမြဲလို့ ကျွတ်ထွက်တာလည်း ကြုံဖူးတယ်။
စမ်းမဲ့နေရာကိုလည်း အဆင်း၊အတတ်တွေရှောင်ရတယ်။ အဲ့နေရာမှာ စမ်းလို့ရလာတဲ့ ရလဒ်တွေက မမှန်တတ်သလို၊ အခန့်မသင့်ရင် ဖိအားပေးလိုက်တာနဲ့ ဆင်ထားတာတွေ ပြုတ်ထွက်ပီး ဒိုင်ခွက်ဖတ်တဲ့ QC ကို လာမှန်တတ်တယ် (ကိုတွေ့)။
.
အဲ့ဒါပီးရင် ဒိုင်ခွက်၃လုံးဆင်၊ ဒိုင်ခွက်တွေကလည်း အမြဲ ယုံကြည်စိတ်ချရတဲ့အထဲမပါဘူး၊ လည်ချင်လည်မယ် မလည်ချင်မလည်ဘူးဆိုတဲ့ အပျက်တွေက အများစု။ အဲ့ စိတ်မချရတဲ့ ဒိုင်ခွက်တွေကို သေချာစစ်ပီး သံပြားရဲ့ အစွန်းနားလေးတွေမှာ ဆင်ရတယ်၊ သူ့ထောက်တန်ကို ရှည်ရှည်ထုတ်ပီး သံပြားနဲ့ထိထားရတယ်၊ ဖိအားမပေးခင် အလုပ်လုပ် မလုပ် နည်းနည်း ခါကြည့်၊ အဆင်ပြေရင် စမှတ် သုညမှာထား။
.
ပီးရင်တော့ ဖိအားစပေး ၁တန်၂တန်၃တန်ကနေ ၆တန်ကျော်ထိပေးကြတယ်။ ဒါကလည်း CBR ၃၀% လား ၈၀%လားအပေါ်မူတည်ပီးကွဲပေမဲ့၊ ဒိုင်ခွက်၃ခုလုံးရဲ့ ပျမ်းမျှရလဒ် ၁၂၅ကို ဘယ်နှတန်မှာ ရောက်လဲဆိုတာကို သိအောင်လို့ပါ။
အဲ့ရလဒ်တွေကို တွက်ထုတ် graph မှာထောက်ပီး CBR ရာခိုင်နှုန်း ဘယ်လောက်ရှိလဲ ဖော်ပြကြတယ်။ သံပြားအချင်း၃၀လက်မနဲ့ စမ်းထားတာမဟုတ်ရင် သူ့အတွက် graph ထဲမှာ တွက်ပီးမှ၊ CBR အတွက် graph ထဲမှာ ပြန်ရှာရတယ်။ သဘာရင့်QC တွေကဒိုင်ခွက်၃ခုံးရဲ့ ပျမ်းမျှအမှတ် ၁၂၅ ကို ဖိအားဘယ်နှတန်မှာရောက်နေလဲဆိုတာနဲ့တင် မြေပြင်မှာ စမ်းနေရင်း လက်တန်းပြောနေကြပီး။
အဲ့တော့ CBR ကောင်းတိုင်း လမ်းကောင်းလား၊ စိတ်ချရလားဆို…
သိကြတဲ့အတိုင်း စမ်းတယ်ဆိုတာကလည်း ၁၀ပေအကျယ်ရှိတဲ့လမ်းမှာ ပေ၁၀၀အရှည်ကို တမှတ်နှုန်းနဲ့ စမ်းဖို့စာထဲမှာရေးထားပေမဲ့၊ အဆင်းအတတ်ရှောင်ရ၊ ဟိုဟာရှောင်ရ၊ ဒီဟာရှောင်ရနဲ့ စာထဲကအရေအတွက်အတိုင်း ကျနော်ကတော့ မစမ်းဖူးဘူး။ ဟုတ်ပါပီ သံပြားကြီးကို လမ်းအကျယ် နေရာမလပ်ချပီး စမ်းလို့ CBR ကောင်းနေရင်လည်း ဒါက ကြိတ်သားဝနေရင် CBR ကကောင်းနေမှာပဲ၊ လမ်းရဲ့ level, camber မမှန်ရင် လမ်းဘေးရေမြောင်း နေရာမကျရင် မိုးရွာ ရေတင်ပီး ပျက်တာပဲ၊ ပီးတော့ တန်ပိုကားတွေ၊ သူတို့ဖြတ်မဖြတ် အချိန်တိုင်း စောင့်ကြည့်နိုင်တာလည်း မဟုတ်။ နောက်ပီး လမ်းရဲ့အနေအထား၊ ပတ်ဝန်းကျင်မြေမျက်နှာသွင်ပြင်အနေအထား၊ ရာသီဥတု တွေက ရှိသေးတယ်။
အဲ့တော့ ဦးမာဃတို့နှလုံးမူပီး ခင်းထားတဲ့လမ်းက ကောင်းမှာပဲလို့ ပြောရမယ်။ QC pass ဖြစ်တိုင်း လမ်းကောင်းတာမဟုတ်ဘူးဆိုတာကိုတော့ QC တစ်ယောက်အနေနဲ့ ဝန်ခံရမှာပဲ။
🛣 